Вечарына ў стылю Мушкецёраў? Любоў, Барока і палацавыя інтрыгі? А чаму б і не!

Калі мы ўзгадваем пра мушкецёраў, то гэта абавязкова - бессмяротны твор Дзюма.

Але сёньняшняму беларусу цяжка ўявіць, што той самы кароль Людовік ХІV, які казаў “Дзяржава – гэта я”, а вакол ягонага двара віравалі палітычныя жарсьці, быў кузынам нашага славутага суайчынніка, Багуслава Радзівіла, насычаная біяграфія якога заткне за паяс і д'Артаньяна і ягоных сяброў!

Вобраз Багуслава цьвёрда ўваходзіць у сучасную мас-культуру. Зьлева направа: (1) Партрэт князя Багуслава нямецкага майстры з музэю ў Кракаве (1660я гг.); (2) Другая частка гістарычнага рамана-эпапеі ад украінскай пісьменніцы і дасьледчыцы спадчыны Радзівілаў, Ірыны Данеўскай (2020 г.); (3) "Дуэль князя Багуслава Радзівіла з французскім шляхціцам на Каралеўскай плошчы ў Парыжы", малюнак Зм. Шапавалава, 2018 г. 

Багуслаў шмат дзе вучыўся: ў Далятычах пад Менскам, у Кейданах і ў Вільні, у Галяндыі і ў Бірмінгеме, Утрэхце і ў Парыжы. Падчас навучання ў Францыі, у Акадэміі рыцарскай, малады князь удзельнічаў у разнастайных двубоях, нават пасьпеў пасядзець некалькі дзён у знакамітай Бастыліі.

Гэта быў разнабаковы чалавек эпохі рэнэсансу і барока, рэфармацыйных поглядаў: мэцэнат і мастак, літаратар і вайсковы дзеяч, грамадзкі дзеяч і палітычны інтрыган. Так, Багуслаў разам са сваім кузынам, Янушам Радзівілам, з’яўляўся ініцыятарам Кейданскай уніі — пераходу Вялікага княства Літоўскага пад пратэктарат Швецыі.

Практычна ўся тэрыторыя ВКЛ захопленая маскоўскімі войскамі, вялікі гетман Януш Радзівіл заключыў нераўнапраўны дагавор са шведамі, тыя ж шведы ўзялі асноўныя гарады Польшчы. Здавалася, вось і канец Рэчы Паспалітай. Але мы ведаем, што першы падзел Рэспублікі абодвух народаў прыпаў на 1772 год, больш чым праз сто гадоў пасля Патопу. Як жа атрымалася выкруціцца? Гэта складаная і цікавая гісторыя

Праз тагачасныя ўплывовыя роды Гогенцолернаў, Ягелонаў і Габсбургаў Багуслаў сваячыўся з усімі наймацнейшымі родамі ў тагачаснай Эўропе.

У Слуцку Багуслаў сабраў архіў, бібліятэку (Бібліятэка Багуслава Радзівіла), дзе зберагаліся каштоўныя рукапісы, у т.л. знакаміты Радзівілаўскі летапіс з сотнямі каляровых мініятур. Князь падтрымліваў кальвініскія (пратэстанскія) зборы і школы. Збіраў творы мастацтва. Сам складаў рэлігійныя гімны. Багуслаў - аўтар замалёвак з панарамамі беларускіх гарадоў, эскізаў і праектных чарцяжоў збудаванняў (зберагаюцца ў Нацыянальным гістарычным архіве Беларусі). На службе ў Багуслава Радзівіла былі многія вучоныя, дзеячы культуры.

Экслібрыс бібліятэкі Багуслава Радзівіла і разварот ілюмінаванага Радзівілаўскага летапіса

Маючы вялікія грошы і вялікія ўладанні, такія буйныя магнаты як Радзівілы маглі дазволіць сабе займець ўласную армію. Так-так!

Слуцкі мушкецёр-выбранец Радзівілаўскай прыватнай арміі - карнавальны вобраз з каталогу КРАМАМАМА

Найбольш вядомыя выбранцы-мушкецёры з дробнай шляхты, вольных людзей i сялян Слуцкага княства, якія за службу атрымлівалі зямлю і некаторыя вольнасьці.

У XVIIIм стагоддзі, з развіццём прыватных магнацкіх тэатраў, удзельнікамі масавых сцэн у Слуцку ды Нясвіжу сталі жаўнеры слуцкага гарнізона – “гранд-мушкецёры”: у параднай форме і са зброяй яны стаялі навыцяжку каля ложаў у час спектакляў.

Мушкецёраў ніколі зашмат не бывае

Мушкецёркі і піраткі ў адзенні эпохі барока, гэта - ШАРМАН!