ВАРГІН - кароль катоў. Беларуская міфалогія ў карнавальных касцюмах
Хэлоўін, Каляды, Раство, Новы год - хутка надыходзіць час вялікіх сьвятаў, з маскараднымі традыцыямі, на якія хочацца як дзеткам так і бацькам апрануцца ну зусім незвычайна, ну зусім крэатыўна, але і каб той фэст не лупіў балюча па сямейнаму бюджэту.
Не праблема! Мы падкажам шмат файных карнавальных лайфхакаў, як з дапамогаю нашага каталогу і Вашай фантазіі зрабіць цуд сваімі рукамі. Ды яшчэ і з выгодай.
Крыніцу ж натхнення ня трэба шукаць дзесьці за акіянам - яна тут, побач, нашая невядомая, але вельмі насычаная беларуская міфалогія!
Такім чынам, сустракайце: ВАРГІН - кароль катоў!
"Вызначаўся Варгі́н сярод іншых катоў сваім выглядам: ён быў велізарных памераў, увесь чорны, бы смоль, поўсць на ім аж блішчэла, была мяккая і гладкая, хвост, як у собаля, а вочы гарэлі агнём. Меў здольнасць нечакана з'яўляцца і гэтак жа нечакана знікаць, нават пры зачыненых дзвярах і вокнах. Часта мяняў гаспадароў. Уваходзячы ў ласку да новых гаспадара ці гаспадьші, Варгін выклікаў у іх найцяжэйшыя псіхічныя расстройствы, непаддатныя ніякім лекам, і, па сутнасці, выводзіў сваіх гаспадароў па-за межы ўсякай сацыяльнасці, так што яны маглі перасварыцца з усімі сваімі сямейнікамі, сябрамі, знаёмымі, маглі пачаць рабіць супраць іх розныя захады і г.д. Сканчалася ўсё гэта звычайна поўным фізічным і душэўным знясіленнем ахвяры. Народ верыў, што каты наагул, а тым болей кашэчы кароль Варгін , маглі сваім варкатаннем выклікаць у галаве тых, хто з імі найбольш бавіўся, з'яўленне рознай жамяры (рою восаў, матылёў і да т.п.) або і зусім маленькіх пачварных істот, ад чаго хворы немінуча павінны быў пакутліва памерці. Даць рады мог толькі моцны, «прыродны», чараунік або знахар, які патаемнымі словамі мог не толькі сагнаць Варгіна з двара, але і выгнаць усю гэтую жамяру і знішчыць яе. Такога знахара Варгін баяўся як чорт крыжа".
(Беларуская міфалогія. Энцыклапедычны слоўнік)
Арыгінальны карнавальны касцюм на Хэлоўін або Каляды абыйдзецца усяго каля 20 рублёў (калі толькі вам не захочацца аздобіць яго каронай, ці набыць да камплекту адмысловыя лапкі-цапкі)
Спрабуйце - і ў вас атрымаецца!
Другие статьи
- Сёння - Сусьветны Дзень Пацалунка (World Kissing Day)Сусьветны Дзень Пацалунку - неафіцыйнае сьвята Сапраўдных ПачуццяўСёння - Сусьветны Дзень Пацалунка (World Kissing Day)
- 15 мая - Міжнародны Дзень Сям'і. Якія сьвяты мы сьвяткуем?Да міжнароднага свята далучаемся з віншаваннямі і прапановай дзіцячага і дарослага сезоннага адзення H&M, JBC, КІАВІ15 мая - Міжнародны Дзень Сям'і. Якія сьвяты мы сьвяткуем?